2015-03-24 17:34:50, 558 ნახვა
საზოგადოება
დევნილი ოჯახებისთვის 14 კერძო სახლი აშენდება
დანიის ლტოლვილთა საბჭო (DRC) შვეიცარიის განვითარებისა და თანამშრომლობის სააგენტოს (SDC) დაფინანსებით, სამეგრელოს რეგიონში დევნილი ოჯახებისათვის 14 კერძო სახლს ააშენებს.
ამის შესახებ „ექსპრესნიუსს“ ლტოლვილთა და განსახლების სამინისტროდან აცნობეს.
უწყების ინფორმაციით, აპლიკაციის შევსება მხოლოდ იმ დევნილ ოჯახებს შეუძლიათ, რომლებსაც საკუთრებაში არასასოფლო-სამეურნეო მიწის ნაკვეთი გააჩნიათ. კერძო სახლები დევნილების საკუთრებაში არსებულ მიწის ნაკვეთებზე აშენდება.
განაცხადები მიიღება 24 მარტიდან 3 აპრილის ჩათვლით, სამინისტროს აჭარისა და სამეგრელო-ზემოსვანეთისტერიტორიულიორგანოში. მისამართი: ქ. ზუგდიდი, რუსთაველის ქ. N87
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
