2015-03-16 14:49:11, 523 ნახვა

---

„ქართული ოცნება“ არასრულწლოვნებისთვის შემზარავი კადრების ჩვენებაში „ნაციონალურ მოძრაობას“ ადანაშაულებს

პარტია „ქართული ოცნება – დემოკრატიული საქართველო“ არასრულწლოვანთათვის დანაშაულებრივი ქმედების ამსახველი შემზარავი კადრების შემცველი დოკუმენტურის ფილმის ჩვენებაში  „ნაციონალურ მოძრაობას“ ადანაშაულებს.
ამის შესახებ „ქართული ოცნების“ მიერ გავრცელებულ განცხადებაშია ნათქვამი.
განცხადების თანახმად, „ქართული ოცნება“ ხელისუფლების შესაბამის ორგანოებს მოუწოდებს, მომხდარი შეისწავლონ და პასუხისმგებელი პირები გამოავლინონ.
„ პარტია „ქართული ოცნება - დემოკრატიული საქართველო“ გამოთქვამს შეშფოთებას ნაციონალური მოძრაობის მიერ ჩადენილი დანაშაულებრივი ქმედებების ამსახველი შემზარავი კადრების შემცველი დოკუმენტური ფილმის არასრულწლოვანთათვის ჩვენების გამო. მოვუწოდებთ ხელისუფლების შესაბამის ორგანოებს, შეისწავლონ მომხდარი, გამოავლინონ პასუხისმგებელი პირები და მიიღონ ყველა ზომა, რათა მომავალში არ გამეორდეს მსგავსი ფაქტები“, – ნათქვამია „ქართული ოცნების“ განცხადებაში.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი