ბანგლადეშის დედაქალაქ დაკაში მდებარე კაფეზე მომხდარი თავდასხმის შედეგად 22 მძევალი დაიღუპა, - ამის შესახებ ინფორმაციას BBC ბანგლადეშის მთავრობაზე დაყრდნობით ავრცელებს.

მედია საშუალების იფნრომაციით, თავდამსხმელებმა, რომლებიც დაჯგუფება „ისლამური სახელმწიფოს“ წევრები არიან, სასტიკად აწამეს ის მძევლები, რომლებმაც ყურანის წაკითხვა ვერ შეძლეს.

როგორც BBC წერს, მძევლები ბასრი იარაღით მოკლეს.

ბანგლადეშის მთავრობის ცნობით, სპეცოპერაციის შედეგად ექვსივე თავდასხმელი ლიკვიდირებულია, კიდევ 1 ტერორისტი დაკავებულია, ხოლო 13 მძევალი გაატავისუფლეს.

პრემიერ-მინისტრმა შეიხ ჰასინამას განცხადებით, მომხდარი ინციდენტი საზარელი აქტია ადამიანების წინააღმდეგ. მისი თქმით, თავდამსხმელები მუსლიმები არ არიან და მათ რელიგია არ გააჩნიათ. ამასთან, პრემიერმა აღნიშნა, რომ გარდაცვლილ მძევალტა შორის არიან უცხოელებიც.

შეგახსენებთ, რომ გუშინ საღამოს ბანგლადეშის დედაქალაქ დაკაში მდებარე ერთ-ერთ კაფეში შეიარაღებული პირები შეიჭრნენ და იქ მყოფებს ცეცხლი გაუხსნეს.

ცნობისთვის, პასუხისმგებლობა თავდასხმისთვის დაჯგუფება „ისლამურმა სახელმწიფომ“ აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო