მთიან ყარაბაღში ცეცხლი შეწყდა, თუმცა ზავის რეჟიმი ჯერ არ ამოქმედებულა

2016-04-06 14:15:16, 1073 ნახვა

მსოფლიო

მთიან ყარაბაღში ურთიერთშეთანხების საფუძველზე საბრძოლო მოქმედებები შეწყდა, თუმცა ზავის რეჟიმი ჯერ არ ამოქმედებულა, - ამის შესახებ ყარაბაღის ე.წ თავდაცვის სამინისტროს პრეს-სპიკერმა განაცხადა.

მოგვიანებით ეს ინფორმაცია აზერბაიჯანულმა მხარემაც დაადასტურა.

გვიან ღამით სომხეთის თავდაცვის მინისტრმა განაცხადა, რომ მხარეებს შორის ცეცხლის შეწყვეტის შესახებ შეთანხმება მიღწეულია. თუმცა ზავის რეჟიმი ჯერჯერობით არ მოქმედებს.

მთიან ყარაბაღში განვითარებულ მოვლენებს, ამერიკის სახელმწიფო დეპარტამენტის წარმომადგენელი მარკ თონერიც გამოეხმაურა. თონერმა ასევე დაადასტურა, რომ მოლაპარაკება მხარეებს შორის შედგა.

მანვე იმედი გამოთქვა, რომ ზავის რეჟიმი უახლოეს საათებში ამოქმედდება.

შეგახსენებთ, რომ ცეცხლი გუშინ 12 საათის მერე შეწყდა. კონფლიქტი კი 2 აპრილს დაიწყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან