აზერბაიჯანის სახელისუფლებო მედია Minval Politika წერს, რომ "თბილისის სატარიფო დემარშზე პასუხად, ბაქო სომხეთის საზღვრამდე სარკინიგზო ხაზის აღდგენას განიხილავს".

მანამდე, მედია წერდა, რომ საქართველომ აზერბაიჯანული საწვავის სომხეთში ტრანზიტისთვის არარეალურად მაღალი ტარიფი მოითხოვა. 

ამ ინფორმაციის პასუხად, ქართული ოცნების პრემიერმა ირაკლი კობახიძემ გადაწყვიტა, რომ აზერბაიჯანული საწვავის სომხეთში სარკინიგზო გადაზიდვა ერთჯერადად სრულიად უსასყიდლოდ განხორციელდება.

Minval Politika აღნიშნავს, რომ მისმა მანამდე გამოქვეყნებულმა პუბლიკაციამ ქართული ოცნების ხელისუფლება აიძულა, მისთვისვე პოლიტიკური თვალსაზრისით მომგებიანი რეაგირება მოეხდინა, საუბარია ირაკლი კობახიძის გადაწყვეტილებაზე და წერს:

"თუმცა მსგავსი ერთჯერადი გადაწყვეტილებები არ ხსნის მთავარ კითხვას: როგორია თბილისის რეალური პოზიცია გრძელვადიან ტარიფებსა და საბაჟო მოსაკრებლებთან დაკავშირებით? 

და მთავარი – ვისი ინტერესები აყალიბებს ასეთ პოლიტიკას, რომელიც ასე მოულოდნელია ქვეყნისთვის, რომელიც ათწლეულების განმავლობაში ეყრდნობოდა ბაქოს მხარდაჭერას და სტრუქტურულ სარგებელს იღებდა თავისი სატრანზიტო ადგილმდებარეობიდან?", - ვკითხულობთ სტატიაში. 

Minval Politika-ს ინფორმაციით, აზერბაიჯანმა უკვე დაიწყო საკუთარი შესაძლებლობების შეფასება ალტერნატიული ლოგისტიკური ღერძის ფორმირების მიმართულებით.

“საბჭოთა პერიოდში არსებობდა სარკინიგზო ხაზი, რომელიც ბაქოს გაზახთან აკავშირებთან, შემდეგ კი იჯევანის მიმართულებით გრძელდებოდა. დღეს ბაქო განიხილავს ამ მონაკვეთის – თანამედროვე გაზახიდან სომხეთთან პირობით საზღვრამდე აღდგენის შესაძლებლობას. ჩვენი ინფორმაციით, მიმდინარეობს უკვე წინასწარი შეფასება: სწავლობენ ტექნიკურ პარამეტრებს, ღირებულებასა და ვადებს, თუ რა შეუძლია შესაძლო აღდგენას, რაც სატრანზიტო ნაკადის ნაწილს საქართველოს დამოკიდებულებიდან გამოიყვანს”, - წერს აზერბაიჯანული მედია. 

ამასთან, Minval Politika-ს ინფორმაციით, განიხილება სრული საავტომობილო მარშრუტების ვარიანტიც.

"დღეს თბილისის წინაშე დგას მარტივი არჩევანი: ან ჩაერთოს ახალი რეგიონული თანამშრომლობის მოდელში, ან უყუროს, როგორ ყალიბდება მარშრუტები, რომლებშიც მისი მონაწილეობა საჭირო აღარ არის. ისტორია გვიჩვენებს, რომ სახელმწიფოები, რომლებიც დროულად აცნობიერებენ ცვლილებებს, აძლიერებენ საკუთარ სუბიექტობას; ისინი, ვინც ძველ მექანიზმებს ეჭიდებიან, გარდაუვლად კარგავენ მას", - ვკითხულობთ სტატიაში. 

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო