ოთხშაბათს, 5 თებერვალს ღამით, უკრაინული დრონები თავს დაესხნენ ნავთობგადამამუშავებელ ქარხანას კრასნოდარის მხარის სოფელ ნოვომინსკაიაში. -  ამის შესახებ რეგიონის გუბერნატორმა ვენიამინ კონდრატიევმა ტელეგრამის არხზე განაცხადა.

"უპილოტო საფრენი აპარატის ნამსხვრევები დაეცა ავზს ნავთობპროდუქტების მცირე ნარჩენებით. გაჩნდა ხანძარი", - წერს ოფიციალური პირი და აღნიშნავს, რომ "ცეცხლი ლოკალიზებულია".

ერთადერთი ნავთობგადამამუშავებელი ქარხანა, შპს ალბაშნეფტი, მდებარეობს სოფელ ნოვომინსკაიაში. ის 2010 წელს გაიხსნა და ქარხნის სიმძლავრე წელიწადში 320 000 ტონამდე ნავთობპროდუქტს შეადგენს. ქარხანას აქვს რვა ავზი 9-დან 10,3 ათას კუბურ მეტრამდე მოცულობით. მ

საწარმო მდებარეობს დონის როსტოვის სამხრეთით 115 კილომეტრში და აზოვის ზღვის სანაპიროდან 40 კილომეტრში. მანძილი იქიდან უკრაინის შეიარაღებული ძალების მიერ კონტროლირებად ტერიტორიაზე 230 კმ-ზე მეტია.

ტელეგრამის არხმა Astra-მ ქარხანაში ხანძრის ამსახველი კადრები გამოაქვეყნა. ვიდეოს მიხედვით თუ ვიმსჯელებთ, საწვავის ერთი ავზი მაინც მთლიანად ცეცხლშია შთანთქმული. ადგილობრივების თქმით, მოსკოვის დროით 06:15 საათისთვის ხანძარი ლიკვიდირებული არ არის.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი