საკონსტიტუციო სასამართლოს მოსამართლე მერაბ ტურავას განცხადებით,  გიგი უგულავას საქმის  გადაწყვეტილებზე ხელის არ მოწერის მიზეზი ჯანმრთელობის მდოგმარეობა არ ყოფილა. 

ტურავას განმარტებით,მას საშუალება არ მიეცა, საქმის სარეზოლუციო ნაწილს გაცნობოდა. 

მისივე თქმით, გადაწყვეტილების მიღებამდე ერთკვირიანი ვადაა საჭირო. 

„აღნიშნულ საქმეზე გადაწყვეტილება მოსამართლეებმა მოუმზადებლად დააფიქსირეს. საკონსტიტუციო სასამართლომ დროში შემზღუდა. დღეს მოსამართლეები და გიორგი პაპუაშვილი მოვიდნენ და უნდოდათ ხელი მომეწერა. მაგრამ ავუხსენი, რომ არც ერთი მოსამართლე გადაწყვეტილებას ხელს არ აწერს სანამ კარგად არ წაიკითხავს“, – აღნიშნა ტურავამ. 

მოსამართლის შეფასებით, როდესაც მოსამართლე მზად არ არის გადაწყვეტილების მისაღებად და ხელმოწერას ითხოვენ, ეს ზეწოლაა. 

„აქამდე არ ყოფილა არცერთი შემთხვევა, რომ საკონსტიტუციო სასამართლოს თავმჯდომარე მისულიყო მოსამართლესთან და ხელმოწერა მოეთხოვა“, – აღნიშნა ტურავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი