EBRD-ის ყოველწლიური შეხვედრის ფარგლებში საერთაშორისო ინვესტორებისა და ბიზნესმენებისთვის წარდგენილი იქნება როგორც სახელმწიფო, ასევე კერძო სექტორის პროექტები.
ამის შესახებ ჟურნალისტებს ეკონომიკისა და მდგრადი განვითარების მინისტრის მოადგილემ ქეთი ბოჭორიშვილმა განუცხადა. მისი თქმით, მთავრობა საერთაშორისო ინვესტორებს სხვადასხვა პროექტებს წარუდგენს, მათ შორის ტურიზმისა და მაღალმთიანი კურორტების განვითარების შესახებ.
„შეხვედრის ფარგლებში ერთი სექცია მიეძღვნება საქართველოს საინვესტიციო გარემოს. საქართველოში არსებული კომპანიები და სახელმწიფოს წარმომადგენლები ისაუბრებენ ქვეყნის ბიზნესგარემოზე. ამისათვის სპეციალურად მომზადდა საინვესტიციო კატალოგი. ესაა თავად კერძო სექტორის მიერ წარდგენილი პროექტები, სადაც მათ პარტნიორების მოძიება სურთ. ასევე, მეორე ნაწილი - ესაა სახელმწიფო პროექტები ტურიზმის მიმართულებით, საპრივატიზაციო, მაღალმთიანი კურორტების საინვესტიციო პოტენციალის შესახებ პროექტები, არის წარმეობის მიმართულებაც“, - განაცხადა ქეთი ბოჭორიშვილმა.
რაც შეეხება კონკრეტულად თბილისში არსებულ საინვესტიციო მიმართულებებს, დედაქალაქის მერის, დავით ნარმანიას განცხადებით, უცხოელ ბიზნესმენებს შესთავაზებენ დაზიანებული შენობების ჩანაცვლების, სასტუმროებისა და ავტოტრანსპორტის განახლების საკითხებთან დაკავშირებულ პროექტებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა