საქართველოს შეიარაღებული ძალების 45-ე სატანკო ბატალიონის III სატანკო ასეული და 44-ე ბატალიონის III სატანკო ასეული ვაზიანის სამხედრო პოლიგონზე გეგმურ სატანკო სწავლებებს გადიან.

სატანკო სწავლება სახმელეთო ჯარების აღმოსავლეთ სარდლობის სარდალმა, პოლკოვნიკმა შავლეგო ტაბატაძემ შეაფასა. პოლკოვნიკის განცხადებით, სწავლებების მიზანი ნაკლოვანებების აღმოფხვრაა, რადგან შემდეგში ჩატარებული კურსები შედეგზე იყოს ორიენტირებული.

45-ე სატანკო ბატალიონის III სატანკო ასეული ოცეულის დონის საველე სწავლებას გადის. სწავლება ოპერაციის რაიონის დაკავებას, ტექნიკით გადაადგილებას, კონტაქტზე რეაგირებას, თავდაცვით ოპერაციებსა და მოწინააღმდეგის შეყოვნებას მოიცავს. სწავლებაში 42 სამხედრო მოსამსახურე და 5 ერთეული ტ-72 ტიპის ტანკია ჩართული.

44-ე ბატალიონის III სატანკო ასეული განგაშზე ტექნიკის საბრძოლო მზადყოფნაში მოყვანაში, თავდაცვითი პოზიციების დაკავება-შენიღბვაში, ოპერაციის რაიონში ტაქტიკური მარშით გადაადგილებაში, არაპირდაპირ და საჰაერო მოწინააღმდეგის ცეცხლზე რეაგირებაში, ასევე, პირობით საბრძოლო ტერიტორიაზე ჯავშანტექნიკის ლოჯისტიკურ უზრუნველყოფაში გადიან სწავლებებს. სატანკო სწავლებაში 31 სამხედრო მოსამსახურე და 4 ერთეული ტ-72 ტიპის ტანკი მონაწილეობს.

სატანკო სწავლებები 5 დღის განმავლობაში გრძელდება და მაქსიმალურად მიახლოებულია საბრძოლო ვითარებასთან. გეგმური საველე სწავლების მიზანი საქართველოს შეიარაღებული ძალების მუდმივი საბრძოლო მზადყოფნის შენარჩუნებაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეგიონებში ცხოველთა 3 ახალი მუნიციპალური თავშესაფარი აშენდება

სპეციალური შეთავაზება SOLO მომხმარებლებისთვის - დაესწარით სპექტაკლ “შერეკილები”-ს პრემიერას რეზო გაბრიაძის თეატრში

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს