პარტია „საქართველოს გზის“ საპატიო თავმჯდომარე სალომე ზურაბიშვილი რუსი ოპოზიციონერის ბორის ნემცოვის მკვლელობის ფაქტს ეხმაურება.

როგორც ზურაბიშვილი „ფეისბუქის“ პირად გვერდზე წერს, „მხოლოდ ტოტალიტარული რეჟიმები კლავენ თავიანთ პოლიტიკურ ოპონენტებს“.
„ბორის ნემცოვის ბარბაროსული მკვლელობის შემდეგ: მხოლოდ ტოტალიტარული რეჟიმები კლავენ თავიანთ პოლიტიკურ ოპონენტებს.... მეტი რა არის სათქმელი... და კიდევ ვიღაცა ჩათვლის რომ რუსული გზა შეიძლება ჩვენთვის სასურველი გზა იყოს და თავისუფლების გზას ჯობდეს?... მხოლოდ იმიტომ რომ თავის მეხსიერებაში მხოლოდ ბოლო საბჭოთა პერიოდი რჩება, როცა საჭმელი არ აკლდა და სამსახური ქონდა მაგრამ არ მუშაობდა.. ის კი ავიწყდება თუ ამ “კონფორტის" ფასად რამდენი ქართველი დაიხრვიტა, გადასახლებასი დაიღუპა, რამდენი ოჯახი განადგურდა და სახელმწიფო როგორ გააქრეს...“, - წერს სალომე ზურაბიშვილი.

შეგახსენებთ, რომ გუშინ, გვიან ღამით მოსკოვის ცენტრში რუს ოპოზიციონერს ექვსი ტყვია ესროლეს. ნემცოვი ადგილზე გარდაიცვალა. მკვლელის ვინაობა ჯერჯერობით უცნობია. მიმდინარეობს საგამოძიებო მოქმედებები მის დასაკავებლად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მუდმივად განახლებადი მობაილბანკი - საუკეთესო ციფრული გამოცდილება თიბისისთან ერთად

რუსეთის საგარეო: საქართველოს EU-ში გაწევრიანებით „არამეგობრული ქვეყნების“ სიაში მოხვდება

ზურაბიშვილი აბასთუმანის ცის დახურვაზე - დიქტატურა საქართველოში რუსულ მოდელსაც კი აჭარბებს

ტრამპმა განაცხადა, რომ ირანი დათანხმდა აშშ-სთვის გამდიდრებული ურანის გადაცემას