რუსეთმა კიევზე იერიში მიიტანა. თავდასხმის შედეგად დაიღუპა 3 ადამიანი, მათ შორის 5 წლის ბავშვი. ინფორმაციას უკრაინის საგანგებო სამსახური ავრცელებს.

უწყების ინფორმაციით იერიშის შედეგად ნგრევა მოხდა დნეპროვის, პოდოლსკის, გოლოსეევის, დესნიანისა და შევჩენკოს რაიონებში.

დნეპროვის რაიონში 100 კვადრატული მეტრის ფართობის ტერიტორიაზე ხანძარი გაჩნდა. ცეცხლი გაუჩნდა 9-სართულიანი საცხოვრებელი სახლის სახურავს. შენობიდან ევაკუირებულია 27 ადამიანი. იგივე რაიონში, 16-სართულიანი სახლის მე-6 სართულზე ერთ-ერთ ბინაში დაზიანდა ფანჯრები, იატაკი და ჭერი.

პოდოლსკის რაიონში ცეცხლი გაჩნდა 25-სართულიანი საცხოვრებელი სახლის მე-20 სართულზე.

მაშველების მონაცემებით, გოლოსეევის რაიონში 4-სართულიან საოფისე შენობას გაუჩნდა ცეცხლი.

"დესნიანის რაიონში ცეცხლი გაუჩნდა ქარსაფარ ზოლს, ხოლო შევჩენკოს რაიონში დაზიანდა 2 ავტომობილი".

კიევის მერის, ვიტალი კლიჩკოს თქმით, თავდასხმის შედეგად დაშავებულია 7 ადამიანი.

ავტორი: ექსპრესნიუსი,

სოციალური ქსელები

Reuters: აშშ ირანში ოპერაციის გამო ევროკავშირის ქვეყნებში იარაღის მიწოდებას აჭიანურებს

იტალიაში ბანკის ძარცვის მცდელობისას 25 ადამიანი მძევლად აიყვანეს

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ

მუდმივად განახლებადი მობაილბანკი - საუკეთესო ციფრული გამოცდილება თიბისისთან ერთად