სპეციალურად სოლიდარობის ფონდისათვის თიბისი ბანკმა საკუთარი სერვისები გაამარტივა.

მათთვის, ვისაც სურს დაეხმაროს 22 წლამდე ონკოლოგიური დაავადებების მქონე პაციენტებს, შეეძლებათ, გამოიყენონ თიბისი ბანკის გამარტივებული სერვისები.

კერძოდ, სოლიდარობის ფონდში თანხის გადარიცხვის მსურველთათვის თიბისი ბანკმა სამი არხიდან გაამარტივა გადარიცხვები. ეს არის:

·         თიბისი ბანკის ინტერნეტ ბანკი, რომელსაც დაემატა განყოფილება ‘“ქველმოქმედება“. ეს ღილაკი იძლევა საშუალებას, ერთჯერადად ან ყოველთვიურად გამარტივებული წესით გადარიცხოთ თანხა ონკოლოგიური პაციენტებისათვის.

·         თიბისი კონსტანტას ფილიალში არსებული TBC Pay-ს აპარატები, რომელსაც პირველ გვერდზე დაემატა სპეციალური ღილაკი ‘“ქველმოქმედება“.

·         თიბისი ბანკის ფილიალები, სადაც შეძლებთ ანგარიშის ნომრის გარეშე, უმარტივესი პროცედურით გადარიცხოთ თანხა.

ერთი თვის განმავლობაში, საქართველოს მასშტაბით ქველმოქმედების ღილაკი TBC Pay-ს ყველა აპარატს დაემატება.

საქართველოს სოლიდარობის ფონდი პრემიერ-მინისტრის ირაკლი ღარიბაშვილის ინიციატივით  2013 წელს შეიქმნა შეიქმნა. ფონდის მიზანია საზოგადოების, კერძო სექტორისა და სახელმწიფოს თანამონაწილეობით, ქვეყანაში ფართოდ და სისტემურად დაინერგოს „მიკრო-ფილანტროფია“ ანუ მცირე ქველმოქმედება და თავად საზოგადოების მიერ შექმნილი ალტერნატიული, არასაბიუჯეტო რესურსით, შესაძლებელი გავხადოთ მძიმე სენით დაავადებული ან შეზღუდული შესაძლებლობების მქონე ბავშვებისა და მათი ოჯახების დახმარება. 

ცოტა ხნის წინ თიბისი ბანკმა საქართველოს სოლიდარობის ფონდში 20 000 ლარი გადარიცხა. ეს აქცია ევროპის რეკონსტრუქციისა და განვითარების ბანკის (EBRD) წლიური შეხვედრის დელეგატების სახელით განხორციელდა. თანხა სოლიდარობის ფონდში სწორედ EBRD-ის დელეგატების სახელზე გადაირიცხა. 

ონკოლოგიური დაავადების მქონე  ბავშვებისა და  ახალგაზრდების დიაგნოსტიკასა და მკურნალობას სულ ფონდის ამოქმედებიდან დღემდე  2 600 000 ლარზე მეტი მოხმარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი