უკრაინელი მფრინავის ნადეჟდა სავჩენკოს განაჩენი ძალაში შევიდა, - ამის შესახებ რუსული მედია იტყობინება.

დღეს სავჩენკოს განაჩენი ძალაში შევიდა, რადგან სააპელაციო სარჩელის წარდგენის ვადა გავიდა.

კანონის თანახმად, განაჩენის ძალაში შესვლის შემდეგ, ანუ დღეიდან 10 დღის განმავლობაში სავჩენკო იმ ციხეში უნდა გადაიყვანონ, სადაც ის 22 წლიან პატიმრობაში იქნება.

ჯერ უცნობია თუ რომელ კოლონიაში გადაიყვანენ სავჩენკოს, თუმცა მისი ადვოკატის თქმით უკრაინის ხელისუფლება ძალისხმევას არ იშურებს, რომ სავჩენკომ სასხელი უკრინის ერთ-ერთ ციხეში მოიხადოს. გარდა ამისა, მას აქვს იმედი, რომ რუსული მხარე პატიმრების გადაცვლაზე დათანხმდება.

ცნობისთვის, როსტოვის ოლქის დონეცკის სასამართლომ უკრაინელი მფრინავი ნადეჟდა სავჩენკო ორი რუსი ჟურნალისტის მკვლელობაში დამნაშავედ ცნო და 22 წელი მიუსაჯა.

შეგახსენებთ, რუსული გამოძიების მტკიცებით, 2014 წლის ივნისში ლუგანსკში მიმდინარე საბრძოლო მოქმედებების დროს სავჩენკომ რუსი ჟურნალისტების ადგილსამყოფელის შესახებ კოორდინატები უკრაინელ სამხედროებს გადასცა, რასაც მათი საარტილერიო შეტევა მოჰყვა. იერიშის შედეგად ორი რუსი კორესპონდენტი დაიღუპა. მას ასევე ბრალი საზღვრის უკანონო გადაკვეთაში ედება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი