კურსკის ოლქის ქალაქ სუჯაში აფეთქება მოხდა, რასაც მსხვერპლი მოჰყვა.

უკრაინის შეიარაღებული ძალების გენერალური შტაბის ცნობით, რუსეთის სამხედრო ავიაციამ ბომბი ჩამოაგდო სკოლა-ინტერნატის შენობაზე, სადაც იმ დროს 95 ადამიანი იმყოფებოდა, ძირითადად – მოხუცები და შეზღუდული შესაძლებლობის მქონე პირები. გენშტაბის ინფორმაციით, აფეთქების შედეგად 4 ადამიანი დაიღუპა, 4 მძიმედ დაშავდა, ხოლო 84-ის მდგომარეობა დამაკმაყოფილებელია. ადგილზე სამძებრო-სამაშველო სამუშაოები გრძელდება.

რუსეთის თავდაცვის სამინისტრო მომხდარში უკრაინას ადანაშაულებს. მათი თქმით, უკრაინულმა ძალებმა მიზანმიმართული თავდასხმა განახორციელეს სკოლა-ინტერნატზე, სადაც მშვიდობიანი მოქალაქეები იმყოფებოდნენ.

უკრაინის პრეზიდენტი ვოლოდიმირ ზელენსკი პლატფორმა X-ზე წერს:

  “აი, როგორ აწარმოებს რუსეთი ომს – სუჯა, კურსკის რეგიონი, რუსეთის ტერიტორია, სკოლა-ინტერნატი, სადაც მშვიდობიანი მოსახლეობა ემზადებოდა ევაკუაციისთვის.” - წერს ზელენსკი.

მომხდარის ამსახველი ფოტო და ვიდეომასალა სოციალურ ქსელებში ვრცელდება, თუმცა ინფორმაცია დამოუკიდებლად ჯერ არ დადასტურებულა.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს