ესპანეთს აპრილის ბოლოს დაატყდა მაღალი ტემპერეტურის ტალღა, ტემპერატურის მატების რეკორდი მოსალოდნელია კიდევ დიდი ხნის განმავლობაში. - ამის შესახებ El Pais წერს.

ესპანეთი ექსტრემალური სიცხის მძიმე დღეებს გადის, რომელიც ორშაბათს დაიწყო და ამ დროისთვის აშკარა დასასრული არ ჩანს.

„ხუთშაბათი და პარასკევი კულმინაციას მიაღწევს ესპანეთის დიდ ნაწილზე და სანამ ტემპერატურა დიდ რაიონებში შაბათს დაეცემა, სიცხე კვლავ ძალიან ინტენსიური იქნება აღმოსავლეთ მესამედში“, გააფრთხილა მოსახლეობა რუბენ დელ კამპომ, სახელმწიფო მეტეოროლოგიური სააგენტოს (Aemet) სპიკერმა. .

დღეს სამხრეთ ესპანეთში, ცენტრალურ ნაწილში და ჩრდილოეთში ტემპერატურა აპრილის ბოლოს ნორმას 10-15 გრადუსით აჭარბებდა, ხვალ პარასკევს სიცხე თითქმის მთელ ქვეყანას დაფარავს. ხოლო გრანადასა და კადისის რაიონებში ტემპერატურა ნორმას 15 გრადუსით გადააჭარბებს

სამშაბათს დღიური ტემპერატურა ნორმას 7-12 გრადუსით აღემატებოდა თითქმის მთელ ნახევარკუნძულზე, გარდა ჩრდილოეთ მესამედისა. ვალენსიის თემში ტემპერატურამ 36,2 გრადუსს მიაღწია ხატივასა და კარკასენტის მუნიციპალიტეტებში, რაც ყველაზე მაღალია ქვეყანაში.

მხოლოდ ერთ დღეში დაფიქსირდა ტემპერატურის 18 რეკორდი ანდალუზიაში, ექსტრემადურაში, კასტილია-ლა მანჩაში, მურსიაში და ვალენსიის თემში.

ოთხშაბათს კორდობამ +36,6 გრადუსი ტემპერატურის რეკორდი განაახლა, რასაც დაემატა სევილიის რეკორდი +36 გრადუსით.

შეგახსენებთ, ესპანეთი ევროკავშირს საგანგებო სახსრებს სთხოვს ფერმერების მხარდასაჭერად ქვეყნის სასოფლო-სამეურნეო რაიონებში ექსტრემალური გვალვის პირობებში.

ავტორი: ექსპრესნიუსი,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა