"ბიძინა ივანიშვილს ბუნების მიმართ განსაკუთრებული დამოკიდებულება აქვს და ეს მისი პირადი განწყობისთვის არ კეთდება“, - ასე ეხმაურება საპარლამენტო უმრავლესობის წევრი ეკა ბესელია ბოტანიკური ბაღის ირგვლივ განვითარებულ მოვლენებს.

ბესელიას თქმით, წლების განმავლობაში ბიძინა ივანიშვილი უანგაროდ, საკუთარი რესურსით ინახავდა ბოტანიკურ ბაღსაც და სხვა ძალიან მნიშვნელოვან და გადარჩენილ ობიექტს.

მისივე განმარტებით.  წინა ხელისუფლების დროს, უამრავი ქონება გასხვისდა კონკრეტულ პირებზე და  ბოტანიკურ ბაღთან დაკავშირებით, საზოგადოებისათვის „ნაციონალური მოძრაობის“ მხრიდან საკუთარი ინტერპრეტაციით ინფორმაციის მიწოდება, სირცხვილია.

 ‘’ბიძინა ივანიშვილს  ბუნების მიმართ განსაკუთრებული დამოკიდებულება აქვს და ეს მისი პირადი განწყობისთვის არ კეთდება. პროცესი მიმდინარეობს, რაც ჩვენთვის არის ცნობილი, თავად ამ ბოტანიკური ბაღის შემდგომი უკეთესი და მათთვის უფრო სასარგებლო პირობებით. მოტივაცია არის ერთადერთი, რომ სარგებელი ნახოს ყველა იმ ადამიანმა, ვისთვისაც ღირებულია ბაღი და ბუნება. „ნაციონალურმა მოძრაობამ“ უმჯობესია, გვიპასუხოს იმ კითხვებზე, თავის დროზე რომ გასხვისდა, რატომ გასხვისდა ესეც და სხვა უამრავი რამ?!  როგორ ხდებოდა ისე, რომ ყველა ქონება გადაყიდული იყო კონკრეტულ პირებზე?! ამ თემაზე მათგან ასეთი ტიპის ინტერპრეტაციები არის ძალიან დიდი სირცხვილი“, - განაცხადა ეკა ბესელიამ.

შეგახსენებთ, "ნაციონალური მოძრაობის" ინფორმაციით, ბიძინა ივანიშვილისთვის ბოტანიკური ბაღის  29 ჰექტარის აუქციონის წესით გადაცემაა დაგეგმილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი