საპარლამენტო უმცირესობის წევრი დავით ბაქრაძე მიიჩნევს, რომ პარლამენტში პრეზიდენტის სიტყვით გამოსვლის თარიღის გადაწევაში ტრაგიკული არაფერია, თუმცა, გამოსვლის შინაარსი საყურადღებოა.
ბაქრაძეს თქმით, პრეზიდენტის ყოველწლიური მიმართვა, რიგითი მოვლენა არ არის და ამ დროს ის საკუთარ ხედვას უნდა წარმოადგენდეს, თუ როგორი იქნება საქართველო მომავალი ერთი წლის განმავლობაში.
აქედან გამომდინარე, დეპუტატის მოსაზრებით,  მთავრობისა და უმრავლესობის მხრიდან, პრეზიდენტის მიმართვის დაკნინება საზოგადოებისა და სახელმწიფოს მომავლის უპატივცემულობაა.
„თავისთავად თარიღის გადაწევაში ტრაგიკული არაფერია. შეიძლება იყოს ოთხი  თებერვალი ან თებერვლის ნებისმიერი დღე. თარიღის დრამატიზებას არ მოვახდენდი, თუმცა, რაც შეეხება შინაარს, ის ნამდვილად საყურადღებოა. პრეზიდენტის პარლამენტში გამოსვლა და ყოველწლიური მიმართვა რიგირთი მოვლენა არ გახლავთ, ეს არის მიმართვა ქართული საზოგადოების მიმართ. ეს არის მიმართვა, სადაც პრეზიდენტმა საკუთარი ხდევა უნდა წარმოადგინოს, თუ როგორი იქნება ჩვენი ქვეყანა მომავალი ერთი წლის განმავლობაში. ამიტომ, მთავრობის და უმრავლესობის მხრიდან ამ მიმართვის დაკნინება და მისი უპატივცემულობა ჩვენი საზოგადოების და ჩვენი ქვეყნის მომავლის უპატივცემულობაა. აქედან გამომდინარე ვისურვებდი შედგეს სრულფასოვანი გამოსვლა და სრულფასოვანი დებატი ამ გამოსვლის შემდეგ“, – აღნიშნა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო