რესპუბლიკელები შიშობენ, რომ ნოემბრის არჩევნებზე შესაძლოა დაკარგონ უმრავლესობა არა მხოლოდ წარმომადგენელთა პალატში, არამედ სენატშიც. - ამის შესახებ Axios წერს.

გამოცემის ცნობით, რესპუბლიკელები შეშფოთებული არიან  შიდა გამოკითხვების შედეგებით. პარტიის სტრატეგებმა პირველად აღიარეს, რომ სენატის დაკარგვა,  სადაც რესპუბლიკელებს ამჟამად ექვსი მანდატით მეტი აქვთ, რეალურ სცენარად იქცა. შესაბამისად, კონგრესის ზედა პალატაში კონტროლის შესანარჩუნებლად მათ გაცილებით რთული ბრძოლა მოუწევთ და ეს
ბრძოლა შეიძლება იმ შტატებშიც რთული იყოს, რომლებიც ტრადიციულად კონსერვატიულად ითვლებოდა, რის გამოც რესპუბლიკელებს დემოკრატებთან კონკურენციისთვის მნიშვნელოვნად მეტი ფინანსური რესურსის დახარჯვა მოუწევთ. თუმცა ბევრი რამ დამოკიდებული იქნება იმაზეც, თუ რომელ კანდიდატებს წარადგენს დემოკრატიული პარტია.

რესპუბლიკური პარტიის წამყვანი სტრატეგები აღიარებენ, რომ იმიგრაცია და ეკონომიკა, ის თემები, რომლებმაც დონალდ ტრამპს 2024 წლის საპრეზიდენტო არჩევნებში გამარჯვება მოუტანა, ახლა გარკვეულწილად ტვირთად იქცა. ანალიტიკოსები ვარაუდობენ, რომ არჩევნების შედეგად დემოკრატებმა შესაძლოა წარმომადგენელთა პალატაზე კონტროლი დაიბრუნონ.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი