საბაჟო გამშვებ პუნქტზე „სარფი“ თურქეთის მხრიდან შემოვიდა სომხეთის მოქალაქე რ.ც., რომლის ავტომანქანაშიც, დათვალიერების შედეგად, შემოსავლების სამსახურის თანამშრომლებმა ფსიქოტროპული ნივთიერების შემცველი მედიკამენტი „ლირიკა“ (112 კაფსულა) აღმოაჩინეს.

ამის შესახებ „ექსპრესნიუსს“ შემოსავლების სამსახურიდან აცნობეს.

მათივე ინფორმაციით, საქმე შემდგომი რეაგირების მიზნით გადაეცა შსს საპატრულო პოლიციის დეპარტამენტის აჭარის მთავარ სამმართველოს.

გარდა ამისა, ანალოგიური კანონდარღვევა გამოავლინეს მებაჟე ოფიცრებმა 20 ივნისს,  სგპ „სადახლო-საავტომობილოს“ ტერიტორიაზე. სომხეთის მხრიდან შემოსული საქართველოს მოქალაქე ა.მ.-ის ხელბარგის ეჭვის საფუძველზე დათვალიერების შედეგად, მათ ნარკოტიკული და ფსიქოტროპული ნივთიერების შემცველი მედიკამენტები: „ტრამადოლი“ - 32 აბი (50 მგ-იანი), „ტრამადოლი“ - 8 ამპულა (100 მგ-იანი) და „ლირიკა“ - 10 კაფსულა (75 მგ-იანი) - აღმოაჩინეს. საქმე შემდგომი რეაგირებისთვის ქვემო ქართლის საპატრულო პოლიციის საგამოძიებო სამსახურს გადაეცა.

8 აბი ნარკოტიკული ნივთიერების შემცველი მედიკამენტი „ტრამადოლი“ აღმოაჩინეს სგპ „ნინოწმინდის“ მებაჟე ოფიცრებმა 21 ივნისს, სომხეთის მოქალაქე მ.ზ.-ის დათვალიერებისასაც. საქმე შემდგომი რეაგირების მიზნით გადაეცა შინაგან საქმეთა სამინისტროს საპატრულო პოლიციის დეპარტამენტის სამცხე ჯავახეთის მთავარი სამმართველოს საგამოძიებო განყოფილებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი