"ახალგარზდა უფლებადამცველთა ასოციაცია"  ასირიელი ქრისტიანებისთვის ლტოლვილის  სტატუსის მინიჭებას ითხოვს. მათ შესაბამისი განცხადება დღეს მთავრობის კანცელარიაში მიიტანეს.

როგორც "ახალგაზრდა უფლებადამცველთა ასოციაციის" ხელმძღვანელმა, ალექსანდრე კობაიძემ, "ექსპრესნიუსს" განუცხადა,  ბოლო 2 წლის განმავლობაში, ქართულ მხარეს ლტოლვილის სტატუსის მისანიჭებლად  ათასამდე ახლო აღმოსავლეთიდან დევნილმა მიმართა, რომელთაგან თანხმობა მხოლოდ დაახლოებით, 20%-ს ეთქვა. კობაიძის შეფასებით, სახელმწიფომ ამ მიმართულებით უფრო თამამი ნაბიჯები უნდა გადადგას.

"ასირიელი ქრისტიანებისთვის ვითხოვთ ლტოლვილის სტატუსის მინიჭებას.  ბოლო ორი წლის მანძილზე ათასამდე ახლო აღმოსავლეთიდან დევნილმა მიმართა სახელმწიფოს და ლტოლვილის სტატუსი მოითხოვა. სამწუხაროა, რომ აქედან დაახლოებით მხოლოდ 20 პროცენტს ეთქვა თანხმობა, დანარჩენს არა. ამიტომ, ჩვენი მოთხოვნაა,  სახელმწიფომ უფრო თამამი ნაბიჯები გადადგას და უფრო მეტ ადამიანს მიეცეს ლტოლვილის სტატუსი",-აღნიშნა ალექსანდრე კობაიძემ.

ცნობისთვის, "გააჩერეთ გენოციდი"- ამ სახელწოდებით ქართველი ფეისბუქ მომხმარებელები პეტიციას ავრცელებენ. საზოგადოება  ხელისუფლებისგან მართლმადიდებელი ასირიელებისთვის თავშესაფრის მიცემას ითხოვს. დაჯგუფება "ისლამური სახელმწიფო"  ასირიელების წამებისა და მკვლელობის შემზარავ კადრებს სისტემატიურად აქვეყნებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი