საქართველოს შინაგან საქმეთა მინისტრის ვახტანგ გომელაურის განცხადებით, არასრულწლოვანი, რომელიც პანკისის ხეობიდან სავარაუდოდ სირიაში საბრძოლველად წავიდა, საზღვარზე მესაზღვრეებს გაეპარა.

მინისტრის თქმით, მომხდარზე მოკვლევა უკვე დაიწყო და არასრულწლოვანის დასაბრუნებლად შინაგან საქმეთა სამინისტრო თურქულ მხარესთანაც თანამშრომლობს.

„რა თქმა უნდა დაირღვა, არასწორად მოიქცა მესაზღვრე, როდესაც გაეპარა ამ ადამიანს. ფაქტიურად იყო ერთი. მეორე იყო სრულწლოვანი, 18 წლის. მოგეხსენებათ თურქეთში გასვლა ხდება ID ბარათებით და არა საზღვარგარეთის პასპორტებით. მისი ვიზუალური შეხედულებით ამ ადამინმა როგორც ახსნა ეს არ გავდა არასრულწლოვანს და ეჭვი არ შეიტანა. თუმცა, ეს არ ამართლებს რა თქმა უნდა. მოკვლევა დაიწყო და მოკვლევის შემდეგ დაიდება ბოლოს რა გადაწყვეტილებასაც მივიღებთ ჩვენ და აქედან გამომდინარე ეს საპატიებელი არ არის რა თქმა უნდა, ძალიან ცუდია. უნდა მეტი ყურადღებით იყვნენ, თუმცა ჩვენ დავუკავშირდით თურქულ სპეცსამსახურებს, რომლებსაც ვთხოვეთ, რომ შეძლებისდაგვარად იქნება მოხდეს ბავშვის უკან დაბრუნება. ამაზე ვმუშაობთ რა თქმა უნდა. კიდევ ავღნიშნავ, გაგვეპარა ასე ვთქვათ, გაეპარა ამ მესაზღვრეს, არ გადაამოწმა მისი წლოვანება. შეიძლება ეხლა არ უნდა ვამბობდე ამას, მაგრამ ვიტყვი, რომ იყო ძალიან ხშირი შემთხვევა, როდესაც ჩვენ უკან დავაბრუნეთ ადამიანები და არა მარტო არასრულწლოვანები. დავეხმარეთ მათ ოჯახებს“, - განაცხადა ვახტანგ გომელაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი