ნატო–ს გენერალური მდივნის სპეციალური  წარმომადგენელი  კავკასიასა და ცენტრალურ აზიაში ჯეიმს აპატურაი მიიჩნევს, რომ სირთულის მიუხედავად, ჟენევის მოლაპარაკებები უნდა შენარჩუნდეს.

როგორც აპატურაიმ "საზოგადოებრივ მაუწყებელთან" ექსკლუზიურ ინტერვიუში განაცხადა, საქართველოს მთავრობამ ჟენევის მოლაპარაკებები უნდა გააგრძელოს იმის მიუხედავად, თუ რამდენად  ართულებს  და ძაბავს რუსეთი ამ მოლაპარაკებებს.

"რთულია ჟენევაში მოლაპარაკება, მაგრამ რაც  ჩვენ ვიცით, საქართველოს მთავრობის მხრიდან მოლაპარაკებები უნდა შენარჩუნდეს  და გაგრძელდეს იმის მიუხედავად, თუ რამდენად ართულებს და ძაბავს რუსეთი მოლაპარაკებებს და ფონს მოლაპარაკებებისთვის.ჩვენ ვფიქრობთ, რომ ეს კარგი იდეაა, ვინაიდან ეს მოლაპარაკებების არხია. ამიტომ, ეს ძალიან მნიშვნელოვანია",-განაცხადა ჯეიმს აპატურაიმ.

შეგახსენებთ, 17-18 მარტს ჟენევის საერთაშორისო მოლაპარაკებების 31-ე რაუნდი გაიმართა. "მოლაპარაკებები ჩატარდა რთულ ვითარებაში, როდესაც მოსკოვში ხელი ეწერებოდა რუსეთსა და ცხინვალის საოკუპაციო რეჟიმს შორის „მოკავშირეობისა და ინტეგრაციის“ შესახებ ე.წ. ხელშეკრულებას. ეს გულისხმობს რუსეთის მიერ ცხინვალის რეგიონის ფაქტობრივ ანექსიას და პირდაპირ კავშირშია ჟენევის საერთაშორისო მოლაპარაკებების დღის წესრიგის ყველა მთავარ საკითხთან როგორც უსაფრთხოების, ისე ჰუმანიტარული მიმართულებით. აღნიშნული ხელშეკრულების ხელმოწერის თარიღად ჟენევის საერთაშორისო მოლაპარაკებების დღის შერჩევა წარმოადგენს მიზანმიმართულ პროვოკაციას, რომელიც მიზნად ისახავდა საერთაშორისო მედიატორების შუამავლობით საქართველოსა და რუსეთს შორის უსაფრთხოების საკითხებზე მოლაპარაკებების ერთადერთი ფორმატის დისკრედიტაციასა და ჟენევის რაუნდის ჩაშლას",-ნათქვამია საქართველოს  საგარეო საქმეთა სამინისტროს განცხადებაში.

ჟენევის საერთაშორისო მოლაპარაკებების შემდეგი 32-ე რაუნდი გაიმართება 2015 წლის 30 ივნისს - 1 ივლისს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი