ორგანიზაცია NetBlock-ის ცნობით, ირანში, ისრაელთან მიმდინარე სამხედრო კონფლიქტის ფონზე, 18 ივნისს ქვეყნის მასშტაბით ინტერნეტი თითქმის სრულად გაითიშა. 

"ამ დროის მონაცემები აჩვენებენ, რომ ირანში ქვეყნის მასშტაბით ინტერნეტი თითქმის სრულად გათიშულია; ინციდენტს წინ უძღვის ადრინდელი ნაწილობრივი შეფერხებების სერია და ხდება ისრაელთან სამხედრო დაძაბულობის ფონზე, რამდენიმე დღის განმავლობაში ორმხრივი სარაკეტო იერიშების შემდეგ". - წერს X-ზე NetBlocks. 

მედიაში ვრცელდება ცნობები ირანში არსებულ სხვა საკომუნიკაციო პრობლემებზეც. როგორც NYT წერს, ქვეყნის მასშტაბით მობილურ ტელეფონებზე დარეკვაც "უკიდურესად რთული გახდა". 

ინტერნეტის მასშტაბური გათიშვისა და საკომუნიკაციო პრობლემების შესახებ აღნიშნულ ბოლოდროინდელ ცნობებს წინ უძღვის ირანის რამდენიმე რეგიონში ინტერნეტის ნაწილობრივი შეფერხების შემთხვევები. 

ცნობისთვის, 13 ივნისს ირანის კომუნიკაციის სამინისტრომ განაცხადა, რომ სიტუაციის გამო "ქვეყნის ინტერნეტზე დროებითი შეზღუდვები დაწესდა", რის შედეგადაც ირანელებს ინტერნეტში უცხოურ საინფორმაციო წყაროებზე წვდომა შეეზღუდათ. 

ამის საპასუხოდ, 14 ივნისს ამერიკელმა მილიარდერმა ბიზნესმენმა, ილონ მასკმა თქვა, რომ ირანში Starlink-ის სატელიტური ინტერნეტი ხელმისაწვდომი გახადა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო