რუსეთისა და თურქეთის პრეზიდენტებმა, ვლადიმერ პუტინმა და რეჯეფ თაიფ ერდოღანმა სატელეფონო საუბრის დროს ახლო აღმოსავლეთში გაუარესებული ვითარება განიხილეს, - ინფორმაციას რუსული მედია კრემლის პრესსამსახურზე დაყრდნობით ავრცელებს.

მათივე ინფორმაციით, ლიდერებმა შეშფოთება გამოთქვეს ირან-ისრაელის კონფლიქტის ესკალაციის გამო, მხარდაჭერა გამოხატეს საბრძოლო მოქმედებების დაუყოვნებლივ შეწყვეტისა და ირანის ბირთვულ პროგრამასთან დაკავშირებული საკითხების მოგვარების მიმართ და დაგმეს ისრაელის სამხედრო ქმედება ირანის წინააღმდეგ.

„ორივე მხარემ გამოთქვა უმძიმესი შეშფოთება ირან-ისრაელის კონფლიქტის მიმდინარე ესკალაციის გამო, რამაც უკვე გამოიწვია დიდი რაოდენობით მსხვერპლი და მთელი რეგიონისთვის სერიოზული გრძელვადიანი შედეგებით არის სავსე. ვლადიმერ პუტინმა და რეჯეფ თაიფ ერდოღანმა დაგმეს ისრაელის სამხედრო ქმედება ირანის წინააღმდეგ, რომელიც გაეროს წესდებისა და საერთაშორისო სამართლის სხვა ნორმების დარღვევით ხორციელდება. ლიდერებმა მხარდაჭერა გამოხატეს საბრძოლო მოქმედებების დაუყოვნებლივ შეწყვეტისა და სადავო საკითხების, მათ შორის ირანის ბირთვულ პროგრამასთან დაკავშირებული საკითხების, მხოლოდ პოლიტიკური და დიპლომატიური საშუალებებით მოგვარების მიმართ“, - ნათქვამია კრემლის პრესსამსახურის განცხადებაში.

კრემლის ინფორმაციით, მხარეები შეთანხმდნენ, რომ ახლო აღმოსავლეთში ვითარების ესკალაციის გათვალისწინებით, ორი ქვეყნის შესაბამისი უწყებები მჭიდრო თანამშრომლობას შეინარჩუნებენ.

ავტორი: ექსპრესნიუსი,

სოციალური ქსელები

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.