რუსეთთან ხანგრძლივი ომის წარმოება შეუძლებელია, - ამის შესახებ უკრაინასთან მოლაპარაკებებში რუსეთის დელეგაციის ხელმძღვანელმა და რუსეთის პრეზიდენტის თანაშემწემ, ვლადიმერ მედინსკიმ The Wall Street Journal-თან ინტერვიუში განაცხადა.

რუსეთის პრეზიდენტის თანაშემწის, ვლადიმერ მედინსკის განცხადებით, „კიევის მხრიდან კომპრომისებზე წასვლის სურვილის არქონა უკრაინას ტერიტორიული დანაკარგების ფასად დაუჯდება“.

„ჩვენ მშვიდობა გვსურს, მაგრამ თუ უკრაინა უცხო ქვეყნების ეროვნული ინტერესებით ხელმძღვანელობას გააგრძელებს, მაშინ იძულებული ვიქნებით ვუპასუხოთ“, - განაცხადა მედინსკიმ.

მისი თქმით, უკრაინის წინააღმდეგ რუსეთის სრულმასშტაბიანი ომი „ორ ძმას შორის კონფლიქტს ჰგავს“.

„ეს უფროსსა და უმცროს ძმებს შორის კონფლიქტს ჰგავს, იმის შესახებ, თუ რომელი უფრო ჭკვიანი და მნიშვნელოვანია. სამწუხაროდ, ეს კონფლიქტი ჩვენ შორის უთანხმოებებს აღრმავებს და სწორედ ამიტომ გვსურს, რომ ის რაც შეიძლება მალე დასრულდეს“, - აღნიშნა მედინსკიმ.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული