მიხეილ სააკაშვილს საზღვრის უკანონო კვეთის საქმეზე 4 წლისა და 6 თვის წელი მიესაჯა. გადაწყვეტილება მოსამართლე მიხეილ ჯინჯოლიამ გამოაცხადა. მისივე განცხადებით, ეს სასჯელი დაემატა ე.წ. პიჯაკების საქმეზე მიხეილ სააკაშვილისთვის 12 მარტს მისჯილ 9 წლიან პატიმრობას. სააკაშვილი ციხეში 12 წელსა და 6 თვეს გაატარებს. 

მიხეილ სააკაშვილის მიერ საზღვრის უკანონოდ კვეთის საქმეზე გამოძიება 2021 წლის პირველ ოქტომბერს დაიწყო. საქართველოს მე-3 პრეზიდენტს, ბრალდება სისხლის სამართლის კოდექსის 344-ე მუხლით წარუდგინეს.

ამავე საქმეზე ბრალდება კიდევ 4 პირს: ელგუჯა ცომაიას, ზურაბ და შალვა წოწორიებს და გიორგი ნარიმანიძეს აქვთ წარდგენილი. ისინი გირაოს სანაცვლოდ არიან გათავისუფლებულები და მათი საქმე ცალკე წარმოებად მიმდინარეობს.

12 მარტს, თბილისის საქალაქო სასამართლოს მოსამართლე ბადრი კოჭლამაზაშვილმა მიხეილ სააკაშვილს სახელმწიფო ბიუჯეტიდან თანხის გაფლანგვის საქმეზე 9-წლიანი პატიმრობა მიუსაჯა. 

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო