უკრაინის შეიარაღებულმა ძალებმა რუსეთში, სარატოვის ოლქში მდებარე ენგელსის ქალაქში, უპილოტო საფრენი აპარატებით იერიში მიიტანეს. თავდასხმის შედეგად ნავთობბაზაზე ძლიერი ხანძარი გაჩნდა. ადგილობრივების ინფორმაციით, ქალაქში დაახლოებით 25 ძლიერი აფეთქების ხმა გაისმა.

სარატოვის ოლქის გუბერნატორი, რომან ბუსარგინი, აცხადებს, რომ ხანძარი საჰაერო თავდაცვის სისტემების მიერ ჩამოგდებული უკრაინული დრონების ნამსხვრევების შედეგად გაჩნდა. აფეთქებები ასევე მოხდა ქალაქ სარატოვში, რომელიც ენგელსისგან მდინარის კალაპოტით არის განცალკევებული.

ენგელსში განლაგებულია რუსული ბომბდამშენების ТУ-95-ის საჰაერო ბაზა, რომელზეც უკრაინის შეიარაღებულმა ძალებმა რამდენიმე იერიში მიიტანეს ბოლო პერიოდში. 

ავტორი: ექსპრესნიუსი,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა