საქართველო-რუსეთის მატჩში ბორჯღალოსნებმა 16:7 გაიმარჯვეს.

 რაგბი ევროპის ჩემპიონატის თასი აღმართეს.

პირველი ტაიმის შემდეგ, მეორე ტაიმში “ბორჯღალოსნებმა” ანგარიში გახსნეს.

ლელო ვასილ ლობჟანიძემ დადო, რომელიც თედო აბჟანდაძემ გარდასახა და ანგარიში 7:0 გახდა.

რამდენიმე წუთში კი თედო აბჟანდაძემ თავი ჯარიმით გამოიჩინა და 10:0 გახადა.

მატჩის 61-ე წუთზე რუსეთის ნაკრებმაც მოახერხა ლელოს დადება. ლელოს ავტორი რუსი მეორე ხაზელი (N5) გახლდათ, რომელიც რუსმა 10-იანმა გარდასახა და ანგარიში 10:7 გახდა.

66 წუთზე კვლავ ჯარიმით ანგარიში 13:7 გახდა, თუმცა არასრულ ერთ წუთში საქართველოს ნაკრების 15 ნომერი, დავით ნინიაშვილი დაჯარიმდა და თუმცა რუსებმა საკმაოდ ახლო დისტანციიდან ჯარიმა ვერ გაიტანეს.

მატჩის 74 წუთზე თედო აბჟანდაძემ კიდევ ერთი ჯარიმა გაიტანა და საქართველოს ნაკრების უპირატესობა 9 ქულამდე გაზარდა (16:7). საბოლოოდ მატჩი ქართველთა გამარჯვებით 16:7 დასრულდა და “ბორჯღალოსნებმა” რაგბი ევროპის ჩემპიონატის თასი მოიპოვეს.

საბოლოოდ საქართველოს ნაკრებმა რაგბი ევროპის ჩემპიონატის გათამაშება 23 ქულით და 5/5 გამარჯვებით დაასრულა.

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს