საქართველოს ვიცე-პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა გერმანიის ბიზნესასოციაციის დელეგაცია მიიღო.

საქართველოში ვიზიტით მყოფ დელეგაციას აღმოსავლეთ ევროპის ეკონომიკური ურთიერთობათა კომიტეტის დირექტორი, რაინერ ლინდნერი ხელმძღვანელობს.

ეკონომიკის სამინისტროს ინფორმაციით, შეხვედრაზე მხარეებმა ეკონომიკური თანამშრომლობის გაღრმავების გზებსა და გერმანული ბიზნესის მხრიდან საქართველოში სამომავლოდ დაგეგმილ პროექტებზე იმსჯელეს.

,,ვიცე-პრემიერთან, ეკონომიკისა და მდგრადი განვითარების მინისტრთან შეხვედრაზე ვისაუბრეთ  ახალ პროექტებზე ლოგისტიკის, ტრანსპორტის, ენერგეტიკის, ტურიზმისა და სოფლის მეურნეობის კუთხით. ჩვენ, ასევე, ბიზნესკომპანიებთან ერთად, ვემზადებით ოქტომბერში დაგეგმილი ,,აბრეშუმის გზის“ ახალი ფორუმისთვის. ასევე, ორმხრივი შეხვედრები გვექნება დღეს  სხვადასხვა კომპანიების ხელმძღვანელებთან ერთად და სამინისტროს წარმომადგენლებს კონკრეტულ კურორტებთან დაკავშირებით“, - განაცხადა რაინერ ლინდნერმა.

ცნობისთვის, აღმოსავლეთ ევროპის ეკონომიკური ურთიერთობათა კომიტეტი საქართველოში ინფრასტრუქტურული და ენერგეტიკული პროექტების განხორციელებით არის დაინტერესებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო