საქართველოს იუსტიციის მინისტრის თეა წულუკიანის განცხადებით, მთავრობის სხდომაზე იუსტიციის სამინისტროს სახელმწიფო სერვისების განვითარების სააგენტოსთვის ერთსულოვნად დამტკიცდა  1 500 000 ევროს ოდენობის გრანტი SIDA-სგან, (შვედეთის საერთაშორისო განვითარების სააგენტო) შვედეთის მთავრობისგან.

„მე მინდა ვისარგებლო შემთხვევით და შვედეთის მთავრობას და SIDA -ს საჯაროდ გადავუხადო  მადლობა“, –განაცხადა მინისტრმა.

ინფორმაციისთვის, შვედეთის საერთაშორისო განვითარების სააგენტოს (SIDA) მხარდაჭერით, სახელმწიფო სერვისების განვითარების სააგენტო იწყებს პროექტის: „საჯარო სექტორის განვითარების ხელშეწყობა ცენტრალურ და ადგილობრივ დონეზე სერვისების ეფექტური მიწოდების გზით“ განხორციელებას.

პროექტი გულისხმობს სერვისების გაუმჯობესებას ცენტრალურ და რეგიონულ დონეზე, საქართველოს იუსტიციის სამინისტროს მმართველობის სფეროში მოქმედი სსიპ–ის − „სახელმწიფო სერვისების განვითარების სააგენტოს“, ოპერაციული შესაძლებლობების გაძლიერების, ინოვაციების დანერგვისა და ადგილობრივ დონეზე სამოქალაქო ჩართულობის ხელშეწყობის გზით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა