მეჭიაური: მთავრობას სწორი მენეჯმენტი რომ ჰქონოდა, ალბათ სჯობდა, ჯენიფერ ლოპესი ან კიმ კარდაშიანი ჩამოეყვანა

2016-05-30 16:19:55, 1093 ნახვა

კომენტარი

მთავრობას სწორი მენეჯმენტი რომ ჰქონოდა, ალბათ სჯობდა, ჯენიფერ ლოპესი ან კიმ კარდაშიანი ჩამოეყვანა, - ამის შესახებ პარლამენტის წევრმა თამაზ მეჭიაურმა ჟურნალისტებს დღეს გამართულ პრესკონფერენციაზე განუცხადა.

როგორც მეჭიაურმა აღნიშნა, მმართველ გუნდს ეს კონცერტი აქტივში უნდოდა ჩაეწერა.

„ალბათ, მმართველ გუნდს ეს კონცერტი აქტივში უნდოდა ჩაეწერა, მაგრამ თუნდაც ერთი უკანალის ჩვენებით ამდენი მილიონი უკუღმა შემოუტრიალდა. რამდენიმე ლგბტ ამომრჩეველი შეიძლება მათ დაემატათ, მაგრამ სამაგიეროდ სხვა ხმები დააკარგინა. სწორი მენეჯმენტი რომ ჰქონოდათ, ალბათ, სჯობდა ჯენიფერ ლოპესი ან კიმ კარდაშიანი ჩამოეყვანათ. მართალია, იქ ლგბტ-ების ხმები შესაძლოა დაეკარგათ, მაგრამ სამაგიეროდ, ასეთი ვაჟკაცების (აგერ, ოპერატორები რომ დგანან) ხმებს ნამდვილად მოიპოვებდნენ”, - აღნიშნა თამაზ მეჭიაურმა.

პარლამენტის წევრმა ასევე დასძინა, რომ ათეული მილიონი ”ასეთი იაფფასიანი შოუების მოსაწყობად ნამდვილად არ ღირდა”.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან