ბრიუსელში ევროკავშირის საგარეო საქმეთა მინისტრები იკრიბებიან. როგორც შეხვედრის დაწყებამდე ჟურნალისტებთან საუბრისას ევროკავშირის საგარეო პოლიტიკური უწყების ხელმძღვანელმა, კაია კალასმა განაცხადა, დღევანდელი მოლაპარაკებების მთავარი თემა უკრაინაში მიმდინარე ომი იქნება.

ევროკავშირი აპირებს რუსეთის წინააღმდეგ სანქციები გაამკაცროს. ასევე მინისტრები იმსჯელებენ უკრაინის მხარდაჭერის საკითხზე.

ვირტუალურ რეჟიმში შედგება ევროკავშირის წევრი ქვეყნების საგარეო საქმეთა მინისტრების მოლაპარაკებები უკრაინის საგარეო საქმეთა მინისტრ ანდრეი სიბიგასთან.

ამასთან, ბრიუსელში იმყოფება სომხეთის საგარეო საქმეთა მინისტრი, რომელიც ევროპელ კოლეგებთან კონსულტაციებს გამართავს. მინისტერიალის შეხვედრის თემებს შორის არის ასევე ახლო აღმოსავლეთი, სირია და ევროკავშირის ურთიერთობები ჩინეთთან.

„დღეს მრავალ საკითხზე ვიმსჯელებთ. უპირველეს ყოვლისა უკრაინაზე. დაფინანსების საკითხისთვის ეს გადამწყვეტი კვირაა. გადაწყვეტილებები, რომლებიც უკრაინის მხარდასაჭერად უნდა მივიღოთ, არის ძალიან მნიშვნელოვანი. ასევე დღესვე მივიღებთ გადაწყვეტილებებს რუსეთის ე.წ. ჩრდილოვან ფლოტთან დაკავშირებით. ჩვენ დავამატებთ სასანქციო სიაში 40 ხომალდს და ასევე ხელშემწყობებს. ეს ყველაფერი კეთდება იმისთვის, რომ რუსეთს აღარ ჰქონდეს შესაძლებლობა, რომ ეს ომი დააფინანსოს“, – განაცხადა კაია კალასმა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი