ისრაელში, მძევლებისა და დაკარგული პირების ნათესავების ასოციაციის მოწოდებით, ათასობით ადამიანი გამოვიდა ქუჩებში. აქტივისტებმა საბურავები დაწვეს და გზები გადაკეტეს, მოითხოვეს რა, რომ ისრაელის მთავრობამ დაუყოვნებლივ მიაღწიოს ცეცხლის შეწყვეტას, რაც ხელს შეუწყობს ღაზას სექტორში დარჩენილი მძევლების გათავისუფლებას. დემონსტრანტები მიიჩნევენ, რომ მოლაპარაკებების მაგიდაზე არსებული შეთანხმების ვერსია „საკმაოდ ეფექტურია“.

აქტივისტები იმედოვნებენ, რომ ისრაელის მთავრობაზე მუდმივი ზეწოლა პოლიტიკოსებს დაეხმარება დააჩქარონ კომპრომისის ძიება მოლაპარაკებებში, რომლებიც არაერთხელ უშედეგოდ მთავრდება მხარეთა ურთიერთგამომრიცხავი მოთხოვნების გამო.

2023 წლის 7 ოქტომბერს, ჰამასის მებრძოლებმა ისრაელში 250-ზე მეტი მძევალი აიყვანეს. ამჟამად, ტყვეობაში 20-მდე ადამიანი რჩება.

ამ ფონზე, ისრაელის კაბინეტი აგრძელებს როგორც ცეცხლის შეწყვეტის, ასევე ღაზას ქალაქზე ფართომასშტაბიანი სახმელეთო შეტევის შესაძლებლობის განხილვას: ბენიამინ ნეთანიაჰუს თქმით, გადამწყვეტი შეტევა ჰამასის მებრძოლების დასუსტებისა და კომპრომისზე წასვლის იძულების საუკეთესო გზაა.

თუმცა, მძევლების ოჯახები და მათი მხარდამჭერები დარწმუნებულები არიან, რომ ახალი მასშტაბური ოპერაცია გადარჩენილი ტყვეების სიცოცხლეს საფრთხეს შეუქმნის.

ავტორი: ექსპრესნიუსი,

სოციალური ქსელები

„ჩვენ მისგან შორს უნდა დავიჭიროთ თავი“ - ევროპულმა ულტრამემარჯვენეებმა ტრამპს ზურგი აქციეს

იმოგზაურე გიორგი მოსიძესთან ერთად აზროვნების სამყაროში - ფოთში, გიორგი მოსიძესთან შეხვედრა გაიმართება

კობახიძე - ამჟამინდელ ევროკავშირს სერიოზული გამოწვევები აქვს

კობახიძე - საქართველოს, ევროპის მასშტაბით, ეკონომიკური ზრდის ყველაზე მაღალი ტემპი აქვს