აშშ-ის კონგრესის ზედა პალატამ, სენატმა დონალდ ტრამპის საბიუჯეტო კანონპროექტი 24 საათზე მეტი დროის განმავლობაში განხილვის შემდეგ მიიღო.

კანონპროექტს 50-მა კანონმდებელმა დაუჭირა მხარი, 50 კი, წინააღმდეგი იყო, თუმცა გადამწყვეტი ხმა ვიცე-პრეზიდენტმა, ჯეი დი ვენსმა მისცა.

რესპუბლიკელმა სენატორებმა, რენდ პოლმა, სიუზან კოლინზმა და თომ ტილისმა დემოკრატებთან ერთად კანონპროექტის წინააღმდეგ მისცეს ხმა.

როგორც უცხოური მედია წერს, რესპუბლიკური პარტიის ხელმძღვანელობამ შეძლო ალიასკის სენატორის, ლიზა მურკოვსკის დარწმუნება, რომელიც ადრე კანონპროექტთან დაკავშირებით ეჭვებს გამოთქვამდა, რომ მხარი დაეჭირა.

როგორც აღინიშნა, მრავალტრილიონი დოლარის ღირებულების კანონპროექტი გადასახადების შემცირებას და ეროვნული უსაფრთხოების დაფინანსების გაზრდას შეუწყობს ხელს.

კანონპროექტი ახლა წარმომადგენელთა პალატამ უნდა დაამტკიცოს, ვიდრე პრეზიდენტს ხელმოსაწერად გადაეგზავნება.

ტრამპმა რესპუბლიკელების მიერ კონტროლირებულ კონგრესს 4 ივლისამდე მისცა ვადა, რათა მისთვის ხელმოსაწერად კანონპროექტის საბოლოო ვერსია გაეგზავნათ. დეფიციტთან, სოციალურ პროგრამებთან და ხარჯების დონესთან დაკავშირებულმა დავებმა შესაძლოა, შეფერხებები გამოიწვიოს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი