ლატვია ASCOD-ის ტიპის 42 ქვეითთა საბრძოლო მანქანას შეიძენს, რისთვისაც 387 მილიონ ევროს გადაიხდის, - ინფორმაციას მედია საშუალებები ქვეყნის თავდაცვის სამინისტროზე დაყრდნობით ავრცელებენ.

მათივე ინფორმაციით, თავდაცვის სამინისტროს სახელმწიფო მდივანმა აივარს პურინშმა და ესპანური კომპანია GDELS-Santa Bárbara Sistemas-ის ვიცე-პრეზიდენტმა ალეხანდრო პეიჯ ერნანდესმა ხელი მოაწერეს ლატვიის ეროვნული შეიარაღებული ძალებისთვის ახალი ტექნიკის მიწოდების ხელშეკრულებას.

კონტრაქტი ასევე ითვალისწინებს ლატვიური ინდუსტრიის მინიმუმ 30%-იან მონაწილეობას შეკვეთის შესრულებაში.

„ქვეითი საბრძოლო მანქანების დამატებითი შეძენა არა მხოლოდ ნატო-ს მიერ დასახული მიზნების მიღწევაში დაგვეხმარება, არამედ მნიშვნელოვნად დააჩქარებს მექანიზებული ქვეითი ბრიგადის განვითარებას, რაც საშუალებას მოგვცემს უფრო მოკლე დროში კიდევ ერთი ბატალიონი გადავაიარაღოთ“, - აღნიშნა ლატვიის თავდაცვის მინისტრმა ანდრის სპრუდსმა.

კონტრაქტის ხელმოწერის ცერემონიაზე, უახლესი თაობის ავტომობილებს ოფიციალური სახელი - HUNTER მიენიჭა. მათი ეროვნული შეიარაღებული ძალებისთვის მიწოდება 387 მილიონი ევრო დაჯდება.

ამ დამატებითი პარტიით ლატვია, საერთო ჯამში, 84 საბრძოლო მანქანას მიიღებს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი