მერაბ დვალიშვილმა კარიერის ალბათ ყველაზე მნიშვნლოვანი ორთაბრძოლა მოიგო და ლეგენდარული ბრაზილიელი მებრძოლი ჟოზე ალდო დაამარცხა.

ქართველისა და ბრაზილიელის დაპირისპირება სამი რაუნდის განმავლობაში გრძელდებოდა და საბოლოოდ, მერაბ დვალიშვილმა ურთულესი მეტოქე ქულებით დაამარცხა.

ორთაბრძოლის შემდეგ მიცემულ ინტერვიუში მერაბმა მეტოქის მიმართ საქებარი სიტყვები არ დაიშურა:„მე ლეგენდასთან ვიჩხუბე, რომელიც შესანიშნავი ადამიანია. მატჩის შემდეგ ვისაუბრეთ, საოცრად თავმდაბალია და მას ყველაფერს საუკეთესოს ვუსურვებ“.

ამგვარად, მერაბ დვალიშვილმა UFC-ში ზედიზედ მეშვიდე გამარჯვება იზეიმა, განახლებულ რეიტინგში მოწინავე პოზიციებს დაიკავებს და ტიტულისთვის ბრძოლის ერთ-ერთი მთავარი პრეტენდენტი გახდება .

ქართველმა ბრძოლის შემდეგ ინტერვიუში განაცხადა, რომ მზად არის, საკუთარ დივიზიონში ნებისმიერ მეტოქეს შეხვდეს, საკუთარი მეგობრის, ალჯემაინ სტერლინგის გარდა: „ჩვენ ძმები ვართ და ერთმანეთთან არ ვიჩხუბებთ!“

ავტორი: ექსპრესნიუსი,

სოციალური ქსელები

ომბუდსმენმა ამაღლობელისა და მომიტინგეების საკითხი ევროპის საბჭოს კომისართან განიხილა

უკრაინა და გერმანია 4 მილიარდი ევროს ოდენობის სამხედრო თანამშრომლობის პაკეტზე შეთანხმდნენ

კრემლმა გადაწყვიტა, პუტინის რეიტინგის შემცირების გამო Telegram-ზე ბლოკი შეემსუბუქებინა

თურქეთი ისრაელს ომით ემუქრება