"ერთიანი ნაციონალური მოძრაობის" წევრი ჩიორა თაქთაქიშვილი ჰომოფობიასა და ტრანსფობიასთან ბრძოლის საერთაშორისო დღეს სოციალური ქსელის მეშვეობით  ეხმაურება. როგორც თაქთაქიშვილი  "ფეისბუქის" გვერდზე წერს, 17 მაისს განსხვავებული სექსუალური ორიენტაციის გამო, ადამიანებზე ძალადობა უნდა დაიგმოს და ამ დღის  ოჯახის დღედ გამოცხადება, სექსუალური უმცირესობების მიმართ  განხორციელებული კიდევ ერთი ძალადობაა.
"17 მაისი არის ჰომოფობიასა და ტრანსფობიასთან ბრძოლის დღე. 
ანუ, ამ დღეს უნდა დავგმოთ ადამიანებზე ძალადობა და მათი შევიწროვება იმის გამო, რომ მათ უმრავლესობისგან განსხვავებული სექსუალური ორიენტაცია აქვთ. 
17 მაისი არ არის რაიმე სხვა ღირსშესანიშნავი დღე, ამ დღის გამოცხადება ოჯახის დღედ არის კიდევ ერთი ძალადობა ამ ისედაც დაუცველ ჯგუფზე. 
"ოჯახის სიმტკიცეს" თუ "სიწმინდეს" ისინი ვერ დაიცავენ, ვინც ცოლებს სცემენ, კლავენ, იმონებენ და ამას ამართლებენ, ვინც მამაო ჩვენოს ღრიალით მზად არიან ტაბურეტკებით და კომბლებით დაერიონ დაუცველ ადამიანებს",-წერს ჩიორა თაქთაქიშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო