„უზენაესი სასამართლოს თავმჯდომარეობის კანდიდატის ჩაგდება- არჩაგდება, არც ერთი და არც მეორე, ჩვენთვის არ არის თვითმიზანი. მთავარია კანდიდატი როგორი იქნება“, - ამის შესახებ პარლამენტის თავმჯდომარე ირაკლი კობახიძემ ჟურნალისტებს განუცხადა.

მისი თქმით, პრეზიდენტის მიერ კანდიდატის შერჩევასთან დაკავშირებით, მმართველი გუნდის მოლოდინი ოპტიმისტური არ არის.

„ჩვენ არაერთხელ აღვნიშნეთ და კიდევ ერთხელ ვიტყვით, რომ სამწუხაროდ, მოლოდინი არ არის ოპტიმისტური და ეს პესიმიზმი დაკავშირებულია იმ პრაქტიკასთან, რომელიც აქვს ჩამოყალიბებული გიორგი მარგველაშვილს. ის ყოველთვის ცდილობდა დანიშვნებში ჩაედო საკუთარი სუბიექტური პოლიტიკური ინტერესი, და სწორედ ამის გამო ნიშნავდა თავის თანამშრომლებს სასამართლო სისტემაში, როგორც საკონსტიტუციო  სასამართლოში, ასევე უზენაეს სასამართლოში. ეს არის სამწუხარო პრაქტიკა.",-განაცხადა პარლამენტის თავმჯდომარემ, ირაკლი კობახიძე ჟურნალისტებთან საუბრისას.

მანვე აღნიშნა, რომ პარლამენტი დაელოდება უზენაესი სასამართლოს თავმჯდომარეობის კანდიდატის დასახელებას და ამის შემდეგ კონსტიტუციის შესაბამისად იმოქმედებს.

„ჩვენ არ გვგონია, რომ ხუთი წლის თავზე შეიცვალოს მარგველაშვილის დამოკიდებულება. აქედან გამომდინარე, ჩვენი მოლოდინი არის პესიმისტური. თუმცა, არც ჩაგდება-არჩაგდება ჩვენთვის არ არის თვითმიზანი. ჩვენ დაველოდებით კანდიდატურას და ამის შემდეგ ვიმოქმედებთ ჩვენი კონსტიტუციური უფლებამოსილების შესაბამისად",-განაცხადა პარლამენტის თავმჯდომარემ.

ავტორი: ,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა