ეკონომიკის საკითხებში ექსპერტის, პაატა შეშელიძის შეფასებით, ლარის კურსის დასტაბილურებისათვის მთავრობამ გაზრდილ ხარჯებზე უარი უნდა თქვას, მათ შორის, სამთავრობო პროექტებზე გაწეულ ხარჯებზეც.

მისივე შეფასებით, მთავრობამ ახალი რეგულაციები აღარ უნდა შემოიღოს და საგადასახადო ლიბერალიზაცია უნდა დაიწყოს.

„ბიუჯეტის ხარჯვით ნაწილს, რა თქმა უნდა, ლარის კურსზე გავლენა აქვს. როდესაც რესურსები სამთავრობო  პროექტებზე იხარჯება, ეს რესურსები კერძო სექტორს აკლდება. კერძო  სექტორი  ორიენტირებულია ეკონომიკურ ზრდაზე, სახელმწიფო კი ბიუროკრატიულ  ინტერესებზე. დიდი მნიშვნელობა აქვს თანხები რა მიმართულებით იხარჯება. უამრავი დარგია, სადაც პროექტების წამოწყება  კერძო სექტორსაც შეეძლო, მაგალითად ჯანდაცვის სფერო. ამას ბიზნესი უფრო ეფექტურად და ნაკლები დანახარჯებით გააკეთებდა. ბიუჯეტის კორექტირება აუცილებელია, არ გვაქვს ფუფუნება, ასეთი მაღალი ხარჯების მქონე მთავრობა შევინახოთ“, - განუცხადა შეშელიძემ "ექსპრესნიუსს".

მისივე შეფასებით, ლარის გაუფასურებით გამოწვეული შედეგები უკვე სახეზეა, რაც ბევრი კომპანიიის გაჩერებასა და ზოგადად მოსახლეობაში შემოსავლების შემცირებაში მდგომარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა