ამ დროისთვის არსებული ინფორმაციით, ნეპალში მომხდარი მიწისძვრის შედეგად საქართველოს მოქალაქეები არ დაშავებულან.
როგორც „რუსთავი 2“- თან საუბარში  საქართველოს საგანგებო და სრულუფლებიანმა ელჩმა  ინდოეთში, ტაილანდში, შრი-ლანკაში, ბანგლადეშსა და ნეპალში ლევან ნიჟარაძემ აღნიშნა საელჩოს საქართველოს მოქალაქეები არ დაკავშირებია.
„ქართველებიდან არავინ არ დაგვკავშირებია, ტურისტებიდან არცერთი ზარი არ შემოსულა, მაგრამ ჩვენ ვიცით, რომ რამდენიმე ტურისტული ჯგუფი არის.  ჩვენ მზად ვართ, ცხელი ხაზი გახსნილია, საელჩო მობილიზებულია საჭიროების შემთხვევაში მოქალაქეებს დახმარება, რომ აღმოვუჩინოთ. რაც შეეხება გამოფრენას, ჩვენი ინფორმაციით დასაფრენი ბილიკი დაზიანებული არ უნდა იყოს, თუმცა აეროპორტი ჩაკეტილი იყო, შეწყვიტა მუშაობა“,-განაცხადა ნიჟარაძემ.
შეგახსენებთ, ნეპალის დედაქალაქ კატმანდუს მახლობლად ძლიერი მიწისძვრა მოხდა. დაზუსტებული მონაცემებით, მიწისქვეშა ბიძგების მაგნიტუდა 7.9 ბალს შეადგენდა. ბოლო მონაცემებით ნეპალში მიწისძვრის შედეგად დაღუპულთა რიცხვმა 800-ს გადააჭარბა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსჯავრში მყოფი, აქციაში მონაწილე რუსეთის მოქალაქეები კარტის თამაშის გამო 5000-5000 ლარით დააჯარიმეს

რეჟიმმა ჯარის მოწამვლის საქმეში ბრალდებული „ბატონოსა“ და „კულას“ მფლობელი გაათავისუფლა

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს