ურთაში საავტომობილო გზის რეაბილიტაცია მიმდინარეობს

2015-07-07 13:42:27, 1641 ნახვა

რეგიონი

ზუგდიდის მუნიციპალიტეტის ურთის ადმინისტრაციულ ერთეულში ავარიულ საავტომობილო გზაზე სარეაბილიტაციო სამუშაოები მიმდინარეობს.

ზუგდიდის გამგეობის ინფორმაციით, ამ ეტაპზე გზის ერთ ნაწილში დაგებულია ასფალტის პირველი საფარი. ავარიული გზა ადგილობრივ მცხოვრებლებს და არა მარტო ადგილობრივებს, როგორც ფეხით ასევე ტრანპორტით გადაადგილებისას უქმნიდა პრობლემებს.

„გზის აღდგენითი სამუშაოების დასრულების შემდეგ ადგილობრივები შეძლებენ უსაფრთხო და კომფორტულ გადაადგილებას. სამუშაოები რეგიონალური განვითარების ფონდის მიერ ხორციელდება. 371 კომლიან სოფელში გზის სარეაბილიტაციო სამუშაოები ორ თვეში დასრულდება“, - აცხადებენ ზუგდიდის გამგეობაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან