ჯანდაცვის მინისტრი დავით სერგეენკო ლიკა კიკიანის ჯანმრთელობის მდგომარეობაზე არ საუბრობს.

როგორც სერგეენკომ ჟურნალისტებს თემის კომენტირებისას განუცხადა, პაციენტის მდგომარეობის შესახებ ინფორმაცია კონფიდენციალურია და მისი ნებართვის გარეშე ამ საკითხთან დაკავშირებით ინფორმაციის გაცემა არ შეიძლება

„როგორც ვიცი, ამ საქმესთან დაკავშირებით გამოძიება და მოკვლევა მიმდინარეობს, მჯერა, რომ ყველაფერი დროულად გაირკვევა და ყველაფერს თავისი სახელი დაერქმევა. საქართველოს მოქალაქეების ჯანმრთელობის შესახებ საქმის კურსში ყოფნა ჩემი სამუშაოს ნაწილია და ამ შემთხვევაშიც, რა თქმა უნდა, საქმის კურსში ვარ. თუმცა პაციენტის ჯანმრთელობის მდგომარეობის შესახებ ინფორმაცია კონფიდენციალურია და მისი ან მისი ახლობლების ნებართვის გარეშე მე ამ ინფორმაციის გაცემა არ შემიძლია“, - განაცხადა დავით სერგეენკომ.

შეგახსენებთ, რომ რამდენიმე დღის წინათ ლიკა კიკიანმა გაავრცელა ვიდეო, რომელშიც ამბობს, რომ კუს ტბაზე მას რამდენიმე პოლიციელმა სიტყვიერი და ფიზიკური შეურაცხყოფა მიაყენა. აღნიშნული შემთხვევა შინაგან საქმეთა სამინისტროს გენერალურმა ინსპექციამ შეისწავლა და გამოიტანა დასკვნა, რომლის მიხედვითაც სამართალდამცავების მიერ ლიკა კიკიანის შეურაცხყოფის ფაქტი არ დასტურდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება