პარლამენტარების წინაშე სიტყვით გამოსვლისას საქართველოს თავდაცვის მინისტრმა ლევან იზორიამ ყურადღება ინფრასტრუქტურის განვითარების გრძელვადიან სტრატეგიაზეც გაამახვილა და რამდენიმე პროექტის შესახებ ისაუბრა.

„წელს დავასრულებთ საერთო საჯარისო ცენტრის მშენებლობას, სადაც თითოეული გვარეობის მიხედვით ოფიცრები სპეციალიზებულ განათლებას მიიღებენ. ერთ თვეში საქართველო-საფრანგეთის კონტრაქტით გათვალისწინებული გარემონტებული სამხედრო ბაზა გვექნება. რაც შეეხება ნატო-საქართველოს წვრთნებისა და შეფასების ერთობლივ ცენტრს და მის კეთილმოწყობას, სტოლტენბერგმა, პირად საუბარშიც მითხრა, თუ რა პროგრესს ხედავს აღნიშნულ ცენტრში, მათ შორის, ინფრასტრუქტურის განვითარების თვალსაზრისით, - აღნიშნა იზორიამ.

მინისტრმა განაცხადა, რომ თავდაცვის უწყება გორში ბინების სარემონტო სამუშაოებს აწარმოებს, რომელიც 180 სამხედრო მოსამსახურეს გადაეცემა. ლევან იზორიამ ყურადღება, ასევე სპეციალური ოპერაციების ძალების დანაყოფებში მიმდინარე და დაზვერვის ოფისის სარემონტო სამუშაოებზე გაამახვილა. მან სამხედრო ნაწილების სპორტული ინფრასტრუქტურისა და ინვენტარის შეძენის შესახებაც ისაუბრა.

(NS)

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი