ერევანში, არეულობის  შედეგად 45 ადამიანი დაშავდა, - ამის შესახებ ინფორმაციას BBC ავრცელებს.

მედია საშუალების ინფორმაციით, პოლიციის შენობასთან შეტაკება მოხდა, რის შედეგადაც 45-მა ადამიანმა სხვადასხვა სახის დაზიანებები მიიღო.

 დაშავებულებს შორის 25 სამართალდამცველია, 18 ადამიანი საავადმყოფოშია გადაყვანილი.

როგორც BBC წერს, არეულობა ერევანში, ერებუნის ქუჩაზე გუშინ საღამოს პოლიციის შენობასთან დაიწყო, სადაც უკვე 5 დღეა მძევლები ჰყავთ აყვანილი. შეტაკებაში, ოპოზიციონერი ჟირაირა სეფილიანის მხარდამჭერები მონაწილეობდნენ. აქტივისტებმა პოლიციის შენობას ქვები დაუშინეს, სამართალდამცველებმა კი საპასუხოდ ცრემლსადენი გაზი გამოიყენეს.

მედიის ცნობით, ათობით ადამიანია დაკავებული.

შეგახსენებთ, რომ ერევანში შეიარაღებული პირების ჯგუფმა პოლიციის განყოფილების შენობა გუშინ დაიკავა. მათ ერთი სამართალდამცველი მოკლეს, ორი კი დაჭრეს. გარდაცვლილი სომხეთის პოლიციის უფროსის მოადგილე უნან პოღოსიანია. მათ ოპოზიციონერი აქტივისტის ჟირაირ სეფილიანისა და სხვა პირების გათავისუფლება მოითხოვეს, რომლებსაც პოლიტიკურ პატიმრებად მიიჩნევენ. ისინი ასევე სომხეთის პრეზიდენტის გადადგომას ითხოვენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული