თურქეთში სახელმწიფო გადატრიალების მცდელობის შემდეგ 8 500-ზე მეტი სამართალდამცველი სამსახურიდან გაათავისუფლეს, - ამის შესახებ BBC იუწყება.

მედია საშუალების ინფორმაციით, სამსახურიდან გათავისუფლებულ პირებს შორის პოლიციის 7 899 და ჟანდარმერიის 614 ოფიცერია.

ამასთან, თანამდებობები 30 პროვინციის გუბერნატორებმა და 47 ოლქის მმართველებმა დატოვეს.

BBC-ს ცნობით, გათავისუფლებული სამართალდამცველები პოლიციის განყოფილებებში ღამით დაიბარეს და მათ იარაღი და პოლიციის მოწმობები ჩამოართვეს.

თურქეთში ამბოხთან დაკავშირებით სულ 6 000 ადამიანი დააკავეს, მათ შორის სამხედრო მაღალჩინოსნები, მოსამართლეები და პროკურორები.

ცნობისთვის, სამხედრო გადატრიალების შედეგად, თურქეთში 290-ზე მეტი ადამიანი გარდაიცვალა, მათ შორის 190 მშვიდობიანი მოქალაქე და 100-ზე მეტი მეამბოხე სამხედრო. 1400 -ზე მეტი ადამიანი დაშავებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს