ქვეყანა, რომელიც სიკვდილით დასჯას იყენებს, ევროკავშირის ნაწილი ვერ იქნება, -  ამის შესახებ გერმანიის მთავრობის ოფიციალურმა წარმომადგენელმა შტეფან ზაიბერტმა განაცხადა.

როგორც ზაიბერტმა აღნიშნა, სიკვდილით დასჯის აღდგენა თურქეთის ევროკავშირში გაწევრიანების შესახებ მოლაპარაკებებს შეაჩერებს.

“გერმანიას და ევროკავშირის წევრ ქვეყნებს ამ საკიტხზე მკაფიო პოზიცია გააჩნიათ, ჩვენ სიკვდილით დასჯა კატეგრიულად მიუღებელი მიგვაჩნია”, - განაცხადა ზაიბერტმა.

ამასთან, ევროკავშირის უმაღლესი წარმომადგენლის ფედერიკა მოგერინის განცხადებით, თურქეთში სიკვდილით დასჯის კანონის ამოქმედების შემთხვევაში, ქვეყანა ევროსაბჭოს წევრი ვერ იქნება.

მანვე განმარტა, რომ თურქეთი ევროსაბჭოს წევრი და ადამიანის უფლებების ევროპული კონვენციის ხელმომწერია.

ცნობისთვის, თურქეთის პრეზიდენტმა რეჯეპ ტაიპ ერდოღანმა განაცხადა, რომ ხელისუფლება სიკვდილით დასჯის აღდგენას განიხილავს.

ბოლო სასიკვდილო განაჩენი თურქეთში 1984 წელს აღასრულეს. თურქეთმა სიკვდილით დასჯა 2004 წელს, ევროკავშირის წევრობის მისაღებად  ჩატარებული რეფორმების ფარგლებში გააუქმა.

შეგახსენებთ, რომ თურქეთში სამხედრო გადატრიალების მცდელობას 290-ზე მეტი ადამიანის სიცოცხლე შეეწირა, 1 400-ზე მეტი კი დაშავდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი