სტამბოლში, საბიჰა გოქჩენის სახელობის აეროპორტში თურქმა სამართალდამცველებმა ამბოხთან კავშირში ეჭვმიტანილი 11 პირი დააკავეს, - ამის შესახებ France Press იუწყება.

როგორც მედია საშუალება წერს, სპეცოპერაციის დროს, ეჭვმიტანილებმა მიმალვა სცადეს, რა დროსაც პოლიციამ მათ ცეცხლი გაუხსნა.

France Press-ის ცნობით, დაკავებულები სამხედრო პირები არიან. ისინი სავარაუდოდ ქვეყნის დატოვებას ცდილობდნენ.

გარდა ამისა, თურქეთის პოლიციასა და სამხედრო გადატრიალების მომხრეებს შორის თურქეთის ქალაქ კონიაში შეტაკება მოხდა. ინციდენტი კონიაში ავიაბაზაზე მოხდა.

ამასთან, თურქეთის ხელისუფლების განცხადებით, სამტავრობო ძალები ქვეყანაში ვითარებას აკონტროლებენ.

შეგახსენებთ, რომ თურქეთში 15 ივლისს სამხედრო გადატრიალების მცდელობა იყო, რის შედეგადაც 290-ზე მეტი ადამიანი გარდაიცვალა, 1 400-ზე მეტი კი დაშავდა.

დაკავებულია 51 სამხედრო მაღალჩინოსნაი, მათ შორის ორი გავლენიანი გენერალი და 400-ზე მეტი მოსამართლე. სულ 6000 ადამიანია დაკავებული.

თურქეთის საკონსტიტუციო საბჭო შეიკრიბება და სიკვდილით დასჯის აღდგენის საკითხზე იმსჯელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ