საქართველოს საგანგებო და სრულუფლებიანი ელჩი თურქეთში, ირაკლი კოპლატაძე, რამდენიმე საათის განმავლობაში რეჯებ ტაიპ ერდოღანთან გაფართოებულ შეხვედრას ესწრებოდა. ამის შესახებ თავად ელჩმა "კურიერის" ეთერში განაცხადა.

ელჩის თქმით, პარლამენტში საგანგებო სესია ჩატარდა და ყველა საპარლამენტო ლიდერმა ერთობლივი განცხადება გააკეთა, სადაც გუშინდელი სამხედრო გადატრიალების მცდელობა დაგმეს და ქვეყანაში კონსტიტუციური წესრიგის აღდგენას მიესალმნენ.

ელჩის განცხადებით, მნიშვნელოვანი პოლიტიკური ნება დაფიქსირდა უმრავლესობისა და ოპოზიციური პარტიების მხრიდან, რადგან მათ ერთობლივი განცხადება მიიღეს.

ელჩის თქმით, პრეზიდენტი ერდოღანი დიდი ხანია, გამოდის ინიციატივით, რომ საკონსტიტუციო ცვლილება მოხდეს და თურქეთი საპარლამენტო წყობილებიდან საპრეზიდენტოზე გადავიდეს.

მისივე განცხადებით, პრეზიდენტი და პრემიერი აღნიშნავენ, რომ გადამწყვეტი როლი ითამაშა იმან, რომ საზოგადოება ამბოხის გასაპროტესტებლად ქუჩაში გამოვიდა, რამაც მდგომარეობა შეცვალა.

ელჩის თქმით, 3 ათასი ადამიანია აყვანილი მხოლოდ სამხედროებიდან.

ელჩმა ქართველების შესახებაც ისაუბრა, მან განაცხადა, რომ ათათურქის აეროპორტიდან 2 რეისი განხორციელდა და გოგჩენის აეროპორტებში 2 გამოფრენა არის დაგეგმილი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი