თურქეთის გენერალური შტაბის უფროსი ჰულუსი აკარი, რომლის ადგილსამყოფელი ამ დრომდე უცნობი იყო, ტყვეობიდან გაათავისუფლებულია, -ამის შესახებ CNN Turk იუწყება.

მედია საშუალების ინფორმაციით, ამ დროისთვის ის უსაფრთხო ადგილას არის გადაყვანილი.

როგორც BBC წერს, თურქეთის მოქმედი ხელისუფლების მხარდამჭერმა ძალებმა ქვეყნის სამხედრო შტაბები საკუთარ კონტროლს დაუქვემდებარეს.

გარდა ამისა, ამბოხებულები ამ დრომდე რამდენიმე სამხედრო თვითვმფრინავს კვლავ აკონტროლებენ.

შეგახსენებთ, თურქეთში შეიარაღებული გადატრიალება გუშინ გვიან ღამით დაიწყო. სამხედროების ნაწილმა განაცხადა, რომ მმართველობაზე კონტროლის დამყარებას გეგმავდა და ქვეყანაში კომენდანტის საათი გამოაცხადა.  სტამბოლისა და ანკარას ქუჩებში ტანკები და სხვა მძიმე ტექნიკა გამოჩნდა. გარდა ამისა, საჰაერო სივრცეს ამბოხებულები თვითმფრინავების მეშვეობით აკონტროლებდნენ.

თურქეთის პრეზიდენტმა რეჯეპ ტაიფ ერდოღანმა ტელემიმართვა გაავრცელა და მოსახლეობას ქუჩებში გამოსვლა თხოვა, შემდეგ კი, მხარდამჭერებს შეხვდა და მათ ქალაქის ქუჩებში დარჩენა სთხოვა იქამდე, სანამ ვითარება არ დასტაბილიზირდებოდა.

სამხედრო გადატრიალების მცდელობას 60 ადამიანის სიცოცხლე ემსხვერპლა, არიან დაშავებულები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს