უნგრეთის პრემიერ-მინისტრმა ვიქტორ ორბანმა კომენტარი გააკეთა ევროკავშირის პარასკევს მიღებულ გადაწყვეტილებაზე რუსული აქტივების სამუდამოდ გაყინვის შესახებ, იტყობინება Magyar Nemzet.

მოგაჩში გამართული მიტინგის დროს ორბანმა მკაცრად გააკრიტიკა ევროკავშირის გადაწყვეტილება რუსული აქტივების გაყინვის შესახებ.

„სხვა სახელმწიფოსგან ასობით მილიარდის ჩამორთმევა არასდროს დარჩენილა უპასუხოდ. ეს ომის გამოცხადებაა“, - განაცხადა ორბანმა მოგაჩში ე.წ. ომის საწინააღმდეგო მიტინგის დროს, რომელიც მომავალი წლის აპრილში დაგეგმილი საპარლამენტო არჩევნების წინ ამომრჩევლებთან საარჩევნო შეხვედრების სერიის ერთ-ერთი ნაწილი იყო.

უნგრეთის პრემიერ-მინისტრმა ასევე შეაფასა, რომ ბუდაპეშტის მიერ რუსული აქტივების შესახებ გადაწყვეტილების უგულებელყოფა აჩვენებს, რომ „ბრიუსელში კანონის უზენაესობის ილუზია დაიმსხვრა“.

მან ასევე გააფრთხილა თავისი მხარდამჭერები, რომ მოემზადონ „ბრიუსელის მესამე მცდელობისთვის, მოიგოს მათი ქვეყნის არჩევნები“.

შეგახსენებთ, 12 დეკემბერს ევროკავშირის ელჩებმა გადაწყვიტეს ევროპაში რუსული აქტივების განუსაზღვრელი ვადით გაყინვა.

ევროკავშირის ელჩმა უკრაინაში კატარინა მატერნოვამ განაცხადა, რომ ევროკავშირის პარასკევს მიღებული გადაწყვეტილების შემდეგ, რუსეთი ვერ შეძლებს ევროპაში თავისი ცენტრალური ბანკის გაყინულ აქტივებზე წვდომას, თუნდაც „უკანა კარიდან“.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს